Dafydd Charles Jones, Rheolwr y Ganolfan Ddosbarthu.

DOSBARTHU

• Mae Canolfan Ddosbarthu Cyngor Llyfrau Cymru yn cynnig gwasanaeth dosbarthu cyfanwerthu i’r fasnach lyfrau yng Nghymru. Mae’r adeilad pwrpasol yn cynnwys stoc eang o lyfrau Cymraeg a llyfrau Saesneg o Gymru neu o ddiddordeb Cymreig.
  
  
• Daw hyd at 1,300 o lyfrau newydd Cymraeg a llyfrau Saesneg o Gymru neu o diddordeb Cymreig o’r wasg yn flynyddol. Anelir at stocio pob llyfr posibl sydd o ddiddordeb Cymreig, lle gall cyhoeddwyr gynnig telerau cyfanwerthu. Gall cyhoeddwyr gynnig teitlau i’r Ganolfan Ddosbarthu trwy gysylltu â Dafydd Charles Jones, y Rheolwr (manylion isod).
  
  
• Gellir dod o hyd i wybodaeth am yr holl lyfrau a gedwir mewn stoc yn y Ganolfan Ddosbarthu drwy ymweld â safle www.gwales.com.
  
  
• Mae gan dros 800 o siopau gyfrifon yn y Ganolfan Ddosbarthu. Cynigir gwasanaeth dosbarthu diwrnod-wedyn i siopau llyfrau sy’n archebu cyn hanner dydd. Codir tâl cludiant os yw’r archebion yn werth llai na £66.66 net. Gall llyfrwerthwyr gysylltu â’r cyfeiriad isod os ydynt am wneud cais am agor cyfrif.
  
  
• Mae’r Ganolfan Ddosbarthu yn gwasanaethu 350 o gyhoeddwyr. Am restr ddethol o gyhoeddwyr Cymru cliciwch ar y botwm Cysylltiadau uchod.
  
  
• Gwerthwyd 776,032 o eitemau yn 2007/08 trwy Ganolfan Ddosbarthu’r Cyngor Llyfrau, gwerth £5.5 miliwn (gros). Roedd hwn yn gynnydd o 13.38% ar werthiant y flwyddyn flaenorol.
  
  Bu cynnydd cyson yn ffigurau gwerthiant y Ganolfan Ddosbarthu ers 1990 ac mae'r Ganolfan yn cyrraedd ei thargedau blynyddol. Cafwyd cynnydd o 25.35% dros y ddwy flynedd ddiwethaf.
  
  
• Dosberthir y cynnyrch i dros 800 o leoedd ar ran 350 o gyhoeddwyr.
  
  
• Mae’r Ganolfan Ddosbarthu yn hunangynhaliol, ac nid yw’n derbyn unrhyw nawdd tuag at ei chynnal trwy’r pwrs cyhoeddus.