AMCANION
Y mae llawer o waith y Cyngor Llyfrau’n ymwneud â darparu gwasanaethau sylfaenol i’r fasnach gyhoeddi. Dyma’r prif swyddogaethau craidd:

• Hybu diddordeb mewn llyfrau Cymraeg a llyfrau Saesneg o ddiddordeb i Gymru, ynghyd â deunydd cyffelyb arall, trwy ddarparu gwybodaeth a thrwy raglen lawn o weithgarwch.
  
  
• Hybu’r diwydiant cyhoeddi yng Nghymru yn ei holl agweddau trwy ddarparu rhychwant o wasanaethau a thrwy gyd-gysylltu buddiannau awduron, cyhoeddwyr, llyfrwerthwyr a llyfrgelloedd.
  
  
• Cynorthwyo a chefnogi awduron trwy ddarparu gwasanaethau a thrwy ddyfarnu grantiau/comisiynau a sianelir trwy gyhoeddwyr.

• Dosbarthu grantiau i gynorthwyo cyhoeddi deunydd o ansawdd yn y Gymraeg a'r Saesneg gan sicrhau bod y cynnyrch ar gael yn y eang.

Mae’r prif amcanion yn codi o’r swyddogaethau craidd uchod:

• Darparu gwybodaeth am lyfrau a deunydd perthnasol arall trwy gyhoeddi rhestrau, taflenni, catalogau a chylchgronau, a gwneud hynny yn y dulliau mwyaf priodol, ar bapur neu’n electronaidd.
  
  
• Trefnu cynlluniau a gweithgarwch i hybu diddordeb mewn llyfrau ac mewn darllen ac i fod yn gefn i ymdrechion cyhoeddwyr i hybu teitlau unigol.
  
  
• Hybu diddordeb mewn llyfrau plant trwy gyfrwng arddangosfeydd a thrwy raglen lawn o weithgarwch.
  
  
• Darparu gwasanaeth golygu a dylunio prydlon ac o safon uchel i gyhoeddwyr Cymru.
  
  
• Darparu gwasanaeth cyfanwerthu llyfrau a deunydd perthnasol ar ran y fasnach lyfrau yng Nghymru.
  
  
• Trefnu gwasanaethau i lyfrgelloedd.
  
  
• Darparu gwasanaethau a grantiau i awduron.
  
  
• Dosbarthu’r Grantiau Cyhoeddi i hybu cyhoeddi llyfrau a chylchgronau i blant ac oedolion ynghyd â deunyddiau perthnasol eraill.
  
  
• Sicrhau rheolaeth weinyddol ac ariannol effeithiol ac effeithlon.