Dyma rai ystadegau ynglŷn â gweithgarwch 2007/08.

• GWERTHIANT
  
  Gwerthwyd 776,032 o eitemau yn 2007/08 trwy Ganolfan Ddosbarthu'r Cyngor Llyfrau, gwerth £5.5 miliwn (gros). Roedd hwn yn gynnydd o 13.38% ar werthiant y flwyddyn flaenorol.
  
  Bu cynnydd cyson yn ffigurau gwerthiant y Ganolfan Ddosbarthu ers 1990 ac mae'r Ganolfan yn cyrraedd ei thargedau blynyddol. Cafwyd cynnydd o 25.35% dros y ddwy flynedd ddiwethaf yn unig.
  
  Dosberthir y cynnyrch i dros 800 o leoedd ar ran 350 o gyhoeddwyr.
  
  
• GWASANAETHAU GOLYGU
  
  Rhoddodd yr Adran Olygyddol wasanaeth i 172 o lawysgrifau yn ystod y flwyddyn gan 19 o gyhoeddwyr.
  
  
• GWASANAETHAU DYLUNIO
  
  Rhoddodd yr Adran Ddylunio wasanaeth i 91 o deitlau gan 11 o gyhoeddwyr.
  
  
• GWASANAETHAU I YSGOLION
  
  Clybiau Sbondonics a Sbri-di-ri
  Gwerthwyd 16,657 o lyfrau, gwerth £82,632, i 9,907 o brynwyr trwy Glybiau Sbondonics a Sbri-di-ri.
  
  Cynllun Ysgolion
  Ymwelodd pedwar Swyddog Ysgolion y Cyngor â 772 o ysgolion gan gasglu archebion am lyfrau a deunydd addysgol gwerth £450,628.
  
• CYNLLUN YMESTYN
  
  Trwy gymorth y Cynllun Ymestyn, trefnodd llyfrwerthwyr 423 o achlysuron gwerthu ychwanegol gan werthu gwerth £168,174 o lyfrau.
  
  
• DOSBARTHU GRANTIAU CYHOEDDI
  
  Dosbarthodd y Cyngor gyfanswm o £1,358,078 tuag at gyhoeddi llyfrau a chylchgronau Cymraeg a deunydd arall, megis llyfrau llafar a CD-ROMau. Rhoddwyd grantiau i 233 o lyfrau ac 15 o gylchgronau. Gwariwyd cyfanswm o £231,475 ar daliadau i awduron a darlunwyr a £56,261 ar grantiau i lyfrwerthwyr.
  
  Dosbarthwyd £754,061 tuag at gyhoeddi llyfrau a chylchgronau Saesneg; cefnogwyd 79 o lyfrau, 3 chylchgrawn ac 1 atodiad llenyddol gyda'r Grant Llenyddiaeth. Yn ogystal cyhoeddwyd 13 llyfr a oedd wedi derbyn blaendal awdur, a dosbarthwyd 21 grant marchnata.